Bíldudals grænar baunir 2011

Allt um Bíldudals grænar baunir 2011....

Bíldudals grænar 2011

Fjölskylduhátíðin Bíldudals grænar… er haldin annað hvert ár og er nú haldin í fimmta sinn í sumar þann 24. júní til 27. júní á Bíldudal.

Hátíðin hefur þá sérstöðu að Arnfirðingar sjá sjálfir um öll skemmtiatriði enda er hátíðin liður í því að viðhalda þeirri miklu menningar-, lista- og sagnahefð sem Arnfirðingar hafa löngum verið þekktir fyrir og skila henni til komandi kynslóða.

Markmið hátíðarinnar eru að kynna ferðafólki arnfirska menningu; efla tengsl milli Arnfirðinga; og auka tekjur af ferðafólki í byggðarlaginu. Yfir þrjátíu manns vinna að þessu sinni í sjálfboðarvinnu við hátíðina.

Ókeypis er inn á hátíðina en selt verður inn á fáein dagskráratriða.

Verkefnið er á forræði Arnfirðingafélagsins í Reykjavík en margir aðilar hafa komið að málum, bæði einstaklingar, fyrirtæki, félagasamtök, stofnanir, sveitarfélag og íbúar á Bíldudal.