Markmið hátíðarinnar er að kynna þá fjölbreyttu tónlistar-, leiklistar- og menningarstarfsemi sem Arnfirðingar eru þekktir fyrir og að eiga skemmtilega stund saman þar sem allir geta fundið eitthvað við sitt hæfi - bæði börn og fullorðnir.

Meðal þess sem boðið verður upp á er:

Margt fleira verður til gamans gert en öll dagskráratriði verða samin og flutt af Arnfirðingum.

Hátíðin hefst fimmtudaginn 26. júní með golfmóti sem Golfklúbbur Bíldudals stendur fyrir. Golfmótið nefnist Hamagangur á Hóli og fer það fram í túni Hóls og Litlueyrar en þar er góður níu holu golfvöllur. Öllum er heimil þátttaka.

Völumót verður haldið í fyrsta sinn fyrir börnin en það heitir eftir afrekskonunni Völu Flosadóttur frá Bíldudal sem kemur til að hvetja börnin til afreka á íþróttasviðinu.

Hátíðin verður formlega sett föstudaginn 27. júní kl. 20:00 og henni slitið sunnudaginn 29. júní kl. 18:00.

Frekari upplýsingar um Bíldudal og Arnarfjörð má finna á veffanginu www.arnfirdingur.is. Netfang hátíðarinnar er arnfirdingur@arnfirdingur.is.

Næg tjaldstæði eru á Bíldudal og góð þjónusta við ferðafólk.

Sjá einnig:

• Setningarathöfn sumarhátíðarinnar [07.07.2003]
• Um 1200 gestir komu á Bíldudals grænar... [03.07.2003]
• Hátíðin formlega sett í kvöld [27.06.2003]
• Sumarhátíðin á Bíldudal [25.06.2003]
• Tilboð Íslandsflugs vegna sumarhátíðar [14.06.2003] 
• Skemmtikvöld á sumarhátíð [29.05.2003]
• Vala kemur á sumarhátíðina [21.05.2003]
• Stórtónleikar á sumarhátíðinni [17.05.2003]
• Ný hljómsveit kemur fram [12.03.2003]
• Sólarkaffi og sumarhátíð [08.01.2003]
• Heiti sumarhátíðarinnar valið [12.12.2002]
• Stórhátíð á Bíldudal [13.11.2002]